سانحہ آرمی پبلک سکول، سپریم کورٹ نے سماعت کی تاریخ مقرر کردی

سپریم کورٹ میں سانحہ آرمی پبلک سکول از خود نوٹس کیس 5 اکتوبر کو سماعت کے لیے مقرر کردیا گیا۔ذرائع کے مطابق چیف جسٹس آف پاکستان جسٹس میاں ثاقب نثار نے سپریم کورٹ میں سانحہ آرمی پبلک سکول ازخود نوٹس کیس سماعت کے لیے مقرر کرتے ہوئے 3 رکنی بینچ تشکیل دے دیا۔ اٹارنی جنرل، سیکریٹری داخلہ اور چیف سیکریٹری خیبر پختون خوا کو نوٹس جاری کر دیئے گئے ہیں۔
چیف جسٹس کی سربراہی میں 3 رکنی بنچ 5 اکتوبر کو سماعت کرے گا، جسٹس فیصل عرب اور جسٹس اعجاز الاحسن بنچ کا حصہ ہوں گے۔ واضح رہے کہ 16 دسمبر 2014ءکو پشاور کے آرمی پبلک سکول پر دہشت گردوں کے حملے میں 130 طلبا سمیت 144 افراد شہید ہوگئے تھے۔