گومل یونیورسٹی کا عجیب کارنامہ

پشاور(نمائندہ کریئر کاروان)کئی کارنامے عجیب ہونے کے ساتھ ساتھ دلچسپ ہوتے ہیں۔اسی طرح ڈی آئی خان کی گومل یونیورسٹی نے بی اے پارٹ ٹو کے طالب علم کو لاکھوں نمبر دے دیے،جسے انتظامیہ نے کلرک کی غلطی قرار دے دی۔ڈی آئی خان کی گومل یونیورسٹی نے انوکھا کارنامہ کرتے ہوئے بی اے پارٹ ٹو کے پیپر میں طالبعلم کو 3 لاکھ 29 ہزار123 نمبر دے دیے۔ طالب علم کی ڈی ایم سی کے مطابق طالبعلم نے 550 میں سے 330 نمبر حاصل کئے۔ کلرک نے انگریزی میں 3 لاکھ 29 ہزار 130 لکھ دیا۔یونیورسٹی انتظامیہ نے ڈی ایم سی میں نمبروں کو کلرک کی غلطی قرار دیدیا، انتظامیہ کے مطابق ڈی ایم سی درستگی کرکے طالب علم کو دوبارہ جاری کردی گئی۔